Policia e Tiranës në bashkëpunim me Forcën e Posaçme Operacionale në Drejtorinë e Policisë së Shtetit arrestoi në flagrancë 6 persona të cilët u kapën me rreth 10 kg lëndë narkotike kanabis sativa.
Në pranga kanë rënë Gëzim Hodaj, 24 vjeç, banues në Mallakastër, Sefer Hodaj, 22 vjeç, banues në Mallakastër, Shkëlqim Merkaj, 36 vjeç, banues në Fier, Erjon Merkaj, 31 vjeç, banues në Fier, Thodhori Demçe, 20 vjeç, banues në Gjirokastër dhe Taulant Boci, 31 vjeç, banues në Gjirokastër.
Gjithashtu u bë shpallja në kërkim e shtetasve E.H, 20 vjeç, banues në Mallakastër, F.H, 22 vjeç, banues në Ballesh.
Ata u arrestuan tek kryqëzimi i fshatit Gorishovë, Fier, me një sasi prej 10 kg e 283 gram lëndë narkotike. Gjatë momentit të arrestimit, ka patur disa të shtëna armësh nga ku dyshohet se kanë qënë shtetasit F.H dhe E.H.
Po ashtu u sekuestruan në cilësinë e provës materiale 9 telefona celularë, një automjet i markës Audi TT, me targë AA574LD, një fishek model 56 e cila ju gjet shtetasit Gezim Hodaj. Materialet i kaluan Prokurorisë së Rrethit Gjyqësor Tiranë.
