Deklarata e Presidentit të Republikës Bujar Nishani se po përgjohet, është ironizuar nga deputetët e mazhorancës. Në mbledhjen e djeshme të Komisionit të Sigurisë, deputeti socialist Xhemal Qefalia ka thënë në Komisionin e Sigurisë, se ata duhet të veprojnë që Nishani të ndihet sa më komod.
“Unë jam i shqetësuar që kryetari i Përgjithshëm i Forcave të Armatosura thotë në media që jam i përgjuar. A thua u çlirua tani komandanti i Përgjithshëm që hoqi gjeneralin? Do të doja që ne të mblidhemi dhe t’i vijmë në ndihmë komandantit të Përgjithshëm, që ai të ndihet komod”, ka thënë Qefalia.
Ndërsa Spartak Braho ka ironizuar gjeneralin Piro Ahmetaj, që u përplas publikisht me deputetët e Komisionit të Sigurisë. Braho tha se Ahmetaj iku me bisht ndër shalë.
“Nuk kemi ardhur të dënojmë Piro Ahmetajn. Ai iku me bisht në shalë atje ku qe”, ka thënë Braho.
