Fëmijët pa kujdesin prindëror të Zyber Hallullit gëzuan ditën e sotme në kuadër të festave të fundvitit. Ministria e Shëndetësisë Ogerta Manastirliu shkoj pranë tyre për t`i uruar dhe për të shpërndarë dhurata. Gjithashtu u shpreh se janë marrë të gjitha masat e nevojshme në spitale e urgjenca në kuadër të festive të fundvitit.
Ditën e sotme ata u vizituan nga Ministrja e Shëndetësisë Ogerta Manastirliu e cila përcolli mesazhin e përkrahjes së fëmijët që kanë më shumë nevojë në këto ditë.
“Kemi zgjedhur ta bëjmë tashmë traditë festimin në datën 28 në të gjitha qendrat sociale në të gjithë Shqipërinë,” shpjegoi Manastirliu.
Në kuadër të festave Ministria Manastirliu u shpreh se janë marrë masat e nevojshme në urgjencat dhe spitalet në të gjithë vendin. Gjatë aktivitetit fëmijët jetim festuan duke kërcyer dhe duke kënduar. Gjithashtu morën edhe dhurata.
“Gjatë festave të jetë në gatishmëri të plotë stafi mjekësor, të gjithë infermierët dhe të mos mungoj asnjë medikament për të përballuar çdo rast urgjent,” tha Manastirliu.
“Një princeshë Elsa brenda kishte një fletore,” tregoi një vajzë e vogël.
“Unë mora dhuratë një bllok, një libër, dy lodra me kuti dhe një fustan,” tha një tjetër vajzë e vogël.
“Mora dhuratë një kapele, një palë dorashka të princesësh Elsa, unë sot mund të iki në shtëpi,” u shpreh një tjetër vajzë e jetimores.
“Zyber Hallulli” është një ndër 28 qendrat sociale ku u organizuan aktivitete festive në kuadër të festave.
ma.me
