Kryepiskopi i Tiranës, Durrësit dhe i Gjithë Shqipërisë, Fortlumturia e Tij, Joani, vizitoi këtë të premte, me rastin e festës së Kurban Bajramit, selinë e Komunitetit Mysliman të Shqipërisë si edhe Kryegjyshatën Botërore Bektashiane.
Fortlumturia e Tij u prit nga kryetari i Komunitetit Mysliman, z.Bujar Spahiu dhe më pas nga Kryegjyshi Botëror i Bektashinjve, Haxhi Dede Edmond Brahimaj.
Në urimin e tij, ndër të tjera, ai tha: “Jemi si gjithnjë bashkë, si në gëzime ashtu edhe ne të gjitha vështirësitë. Harmonia fetare është një thesar shumë i madh për vendin tonë, të cilën duhet të përpiqemi ta ruajmë gjithnjë, për të dëshmuar se është e mundur të jetojmë së bashku, edhe kur kemi besime të ndryshme”.
