Në sheshin e Manastirit të vjetër, është organizuar për të tretin vit radhazi, Festa e Ardenicës. Këngët dhe vallet popullore, kostumet tradicionale, si edhe panairi i prodhimeve nga bizneset e zonës, ishin pjesë e kësaj feste.
Si organizatore e këtij aktiviteti, Bashkia e Lushnjes nëpërmjet saj synon promovimin e Ardenicës turistike dhe njohjen e bukurive të Myzeqesë.
Të pranishëm në këtë ditë ishin kryetarja e Bashkisë Lushnje, Eriselda Sefa dhe deputetët e qytetit Lindita Buxheli e Bujar Çela. Sipas kryebashkiakes Sefa, ringjallja e traditës së vjetër sjell edhe njohjen e Ardenicës dhe promovon turizmin.
Manastiri i Ardenicës është qendra më e madhe historike dhe turistike e Lushnjes. Promovimi i vlerave tradicionale të zonës kryhet në të njejtën hapësirë të sheshit përballë Manastirit, ashtu siç është bërë qindra vjet më parë.
Manastiri Ardenicës është i besimit ortodoks dhe është ngritur në kodrën që shihet buze rrugës Lushnje – Fier.
