Një fermer në Kinën perëndimore ka nxjerr nga nëntoka rreth gjysmë toni monedha që datojnë që nga koha e Krishtit. Fermeri, me mbiemrin Zhang, i ka zbuluar këto monedha, që peshojnë 459kg, të shtunën derisa ai po gërmonte për të përgatitur themelin e shtëpisë së tij afër Xingping, provinca Shaanxi, ka raportuar radiotelevizioni “Shaanxi”.
Një ekip lokal i trashëgimisë ka vlerësuar se monedhat datojnë nga periudha e mbretërisë së Ëang Mang, zyrtar i dinastisë së Hanit i cili shkurtimisht uzurpoi pushtetin nga dinastia e Hanit nga vitet 8 – 23 pas Krishtit, transmeton Koha.net.
Tuba e monedhave ishte groposur në një vrimë rreth 50cm të thellë dhe 60cm të gjerë, ka thënë Zhang. Zhang menjëherë pas zbulimit e kishte thirrur policinë dhe monedhat i janë marrë nga inspektorët e trashëgimisë.
