Kreyministri Edi Rama aktualisht ndodhet në ceremoninë e përvjetorit të 10 të Urdhërit të Infermierit në Pallatin e Kongreseve, ndërkohë që edhe kësaj here nuk ka munguar debulesa dhe mbështetja e tij ndaj gjinisë femërore.
Gjatë fjalës së tij, Rama ka shpjeguar se arsyeja pse beson kaq shumë te gratë, është sepse sipas tij ato janë më të dedikuara, më pak të korruptuara dhe më shumë serioze se sa meshkujt.
“Ndoshta burrat në këtë sallë do thonë pse i përmend kaq shumë gratë.
Sa më shumë e duam punësimin e madh të grave, aq më shumë mund ta bëjmë këtë vend më të mirë. Sepse gratë janë shumë serioze, më të dedikuara dhe shumë më pak të korruptuara se sa burrat. Kështu që bashkëvuajtësit e mi, kjo është e vërteta”, ka thënë Rama, duke shtuar se femrave u duhet rritur më shumë rroga për shkak të përkushtimit.
