Bardhi Demiraj, babai i dy prej 4 personave që ranë pre e një atentati mafioz në Tiranë, ka reaguar për herë të parë lidhur me ngjarjen e rëndë.
Ai, përmes një mesazhi për emisionin “Opinion”, ka deklaruar se fëmijët i ka çuar vetë në Spitalin e Traumës, ndërsa ka shtuar se nëse do të kishte pritur qoftë edhe një minutë më shumë, djali i vogël, 11-vjeçari Dior Demiraj, sot nuk do të jetonte.
Ai ka treguar se 11-vjeçari ka marrë 4 plumba, dy në trup dhe dy në dorë.
“Fëmijët i kam marrë unë dhe i kam dërguar te Spitali i Traumës me fuoristradën time. Po të prisja dhe 1 minutë më shumë vonesë, djali i vogël nuk jetonte më, ishte me 2 plumba në trup dhe 2 në dorën e majtë. Tani jemi në spital në Itali”, ka thënë Bardhi Demiraj.
