Një familjar i Lavdrim Muhaxherit ka lajmëruar me anë të një statusi në facebook “se Lavdimi është vrarë në Siri”. Lajmi për vrasjen e Lavdrim Muhaxherit u dha në disa media, të cilat u thirren në burime të Ministrisë së Brendshme. Më pas lajmi filloi të qarkullojë me të madhe edhe nëpër rrjetet sociale.
I fundit që e ka konfirmuar vrasjen e Muhaxherit është vëllai i tij, apo së paku kështu ai i referohet Lavdrimit.
Bajram Muhaxheri nga Kaçaniku ka shkruar në llogarinë e tij në facebook se Lavdrimi ka vdekur.
“Selam alejkum vllahen ju njoftojmë se vllau jem Lavdrimi ka ra shehid inshaAllah Allahu e past panu ne mesin e shehidan tpejgamereve e njerëzve te mir. Amin”, ka shkruar ai.
Për vrasjen e Lavdimit mediat kanë raportar disa hërë, por ato asnjëherë nuk janë konfirmuar zyrtarisht nga organet e sigurisë në Kosovë apo edhe ato ndërkombëtare, përgatiti ”GazetaExpress”. (b.an)
