Kryeinspektori i Përgjithshëm, Shkëlqim Hajdari, i ka dhënë lamtumirën e fundit ish-kampionit shqiptar të boksit, Skënder Kurti. Ai nuk ia doli dot mbanë të luftonte ndaj koronavirusit vdekjeprurës, ndërsa ndërroi jetë në Spitalin Infektiv në Tiranë.
Beteja me virusin ishte e fortë, ku i ndjeri qëndroi për shumë ditë në gjendje të rëndë. Sporti shqiptar është në zi, e me anë të një statusi në Facebook, Shkëlqim Hajdari përcjell mesazhin e fundit për mikun e tij.
Z. Hajdari shpreh falenderimet në emër të familjes, ndaj kujtdo që kanë qenë pranë tyre, në këto ditë të vështira. Po kështu njofton se pritjet dhe ngushëllimet do të organizohen pas kalimit të pandemisë.
Mesazhi
Lamtumire Neri, miku i te gjitheve!
“Ne emer te dy djemve te mrekullueshem te mikut tone, jam i autorizuar te falenderoj ne emer te familjes, shoket e miqte e shumte te Nerit, te cilet kane qene prane tyre, gjate gjithe ketyre diteve dhe per te ruajtur gjithsecilin, nga virusi vdekjeprures, pritjet dhe ngushellimet do te organizohen, pas kalimit te pandemise”. Zoti e ruajte familjen e mikut tone, te cilet tregohen fisnike dhe ne keto momente te veshtira, duke menduarper jeten e te tjereve. Flm hoxhe Ahmet Kalaja”☝🏻!
Skënder Kurti, ditët e fundit ka qenë i intubuar dhe vuante dhe nga hipertensioni. Më herët 61-vjeçari nga Tirana pësoi vdekje klinike, dhe prej disa ditësh gjendja e tij ishte rënduar së tepërmi. Por COVID-19 e mposhti.
Dje ishte një ditë e zezë për sportin shqiptar, ku humbi një kampion dhe një njeri shumë të dashur për të gjithë. Ai luftoi fort, si një kampion që nuk dorëzohet lehtë.
I admiruar nga të gjithë brezat e sportdashësve për rezultatet e tij në ring, dhe pasionin e jashtëzakonshëm për sportin e dorezave, Skënder Kurti gëzonte respektin e të gjithëve./ tiranatoday
g.kosovari
