Paqe në rezultatin, por paqe edhe jashtë fushës. Edhe për vetë serbët duket se droni i tetorit të vitit 2015 ë Beograd është një kujtim i largët.
Është trajneri i Partizanit të Beogradit, Miroslav Djukiç që pas ndeshjes me Skënderbeun, ka falënderuar shqiptarët për mikpritjen. Madje Djukiç ka shkuar më tej duke vlerësuar organizimin e takimit në ‘Elbasan Arena’.
Teksa dënoi dhunën e vitit 2015 në ndeshjen Serbi-Shqipëri, trajneri serb theksoi se ka ardhur koha për të lënë pas të shkuarën dhe për të ua kthyer shqiptarëve me të njëjtën mënyrë mikpritjen.
“Ishte një ndeshje mjaft e mirë dhe më vjen mirë që u fol vetëm për futboll. Jemi shumë të kënaqur me mikpritjen që na është bërë dhe duam t’ua kthejmë në të njëjtën mënyrë në Beograd, por me rezultat ndryshe. Jam i kënaqur me barazimin, sepse ishte rezultati më i drejtë”, tha ai.
a.ç
