Sipas portalit amerikan True Stories, në Shtet e Bashkuara të Amerikës ka aktualisht 18.6 milion shtëpi të lira. Një fakt tronditës ky, po të mendosh se në këtë vend ka rreth tre milion persona të pastrehë. I bie që për secilin nga këta të pastrehë, të kishte nga gjashtë shtëpi njëherësh. Kjo do t’i ngjante asaj që përrallës, ku varfanjaku gdhihet papritur pasanik brenda natës. Duhet thënë se shumica e këtyre shtëpive pa pronar, janë rezultat i krizës financiare të viteve të fundit, kur sektori imobiliar amerikan u godit rëndë nga kriza e kredive, e cila solli falimentimin e kompanive të mëdha të këtij sektori.
