Në Parlamentin Evropian, orët e fundit, në Komisionin për Liri qytetare, Drejtësi dhe Punë të Brendshme, është zhvilluar debati i parë për rekomandimin e Komisionit Evropian për liberalizimin e vizave për Kosovën.
Në këtë seancë nga Komisioni Evropian është paraqitur propozimi dhe arsyetimi nga ana e përfaqësuesve të Komisionit Evropian e më pas deputetja Tanja Fajon, e caktuar të jetë Raportuese për liberalizimin e vizave për Kosovën, që do të nisë draftimin e raportit i cili do të futet në procedurat parlamentare ka folur për çështjen e demarkacionit, transmeton Koha.net.
Me këtë rast Tanja Fajon përmes një deklarate për media ka përshëndetur propozimin e Komisionit Evropian dhe ka thënë se heqja e vizave, jo vetëm se do të ndihmojë lëvizjen e lirë, kontaktet mes njerëzve dhe biznesin, por do t’ua heqë biznesit edhe kriminelët, raporton korrespodenti i Grupit KOHA nga Brukseli. (b.an)
