UEFA ka vendosur të gjobisë dy ekipet italiane të Interit dhe të Romës për shkak të Fair Play-t financiar. Siç raportojnë mediat italiane, në bazë të verifikimeve të kryera UEFA ka vendosur të gjobisë dy ekipet pasi kanë shkelur rregullat.
Interi dhe Roma këtë vit kanë shpenzuar më tepër se sa kanë arkëtuar dhe ndaj do të duhet të derdhin në arkat e UEFA-s përkatësisht 20 milionë euro për zikaltrit dhe 6 milionë euro për kryeqytetasit.
Jo vetëm kaq, por nëse ata marrin pjesë në kupat e Evropës vitin tjetër, do të duhet ta bëjnë këtë me një ekip të reduktuar në 21 lojtarë, ndryshe nga 25 që lejon UEFA.
Redaksia Online
(JavaNews.al)
