Presidenti i Serbisë Tomislav Nikoliç ka pranuar se kushti kryesor për hyrjen e Serbisë në BE është njohja e Kosovës, por se këtë nuk mund ta pranojë populli serb. I pyetur nga Interfaks, Nikoliç tha se njohjen e Kosovës “mund ta pranojnë vetëm robërit”.
“Mendoj se kushti kryesor për hyrjen tonë në BE do të jetë pranimi i pavarësisë së Kosovës, porse Serbia nuk do ta njohë kurrë dhe as që e ka njohur ndonjëherë dhe këtë ua kemi bërë qartë me dije të gjithë përfaqësuesve të të gjitha institucioneve evropiane. E nëse BE vazhdon të insistojë në këtë vendim tonin të tillë, kjo do të thotë se BE nuk dëshiron të na shohë në përbërjen e vet”, ka thënë ai për Interfaksin rus.
“Por në këtë kusht nuk do të pranonte asnjë popull. Këtë mund të pranojnë vetëm robërit”, ka thënë Presidenti serb.
Redaksia Online
(JavaNews.al)
