Forcat e Armatosura kanë përfunduar ndërtimin e dy urave të cilat u dëmtuan nga reshjet që përfshinë Shqipërinë.
Ministrja Olta Xhaçka shkruan se urat e reja tashmë do t’i shërbejnë 5500 banorëve të 10 fshatrave në Dropull e Delvinë, ndërkohë që thote se në 10 ditë janë ndërtuar 10 ura.
“Batalioni xhenio i Forcave të Armatosura përfundoi punën në pak ditë, duke çuar në 10 numrin e urave “bailey” të ndërtuara në 100 ditë. Do të jemi pranë të gjithëve në kohët më të vështira. Edhe kur të tjerët festojnë, FA do të jenë në krye të detyrës, siç janë në krye të detyrës në çdo moment me atdhedashuri edhe me përkushtim të jashtëzakonshëm ndaj punës. Krenari për FA”, shkruan Xhaçka në rrjetin social Facebook.
