Patrice Evra ka qenë dështimi i ndeshjes për francezët në takimin ndaj Shqipërisë dhe këtë ndeshje ai nuk do ta harrojë lehtë.
Kishte për detyrë ta ndalte Odise Roshin, por nuk arriti të bënte diçka të tillë, pasi Roshi depërtonte nga krahu i tij sa herë që kishte rastin.
Në fund të ndeshjes, Roshi dhe Evra ndërruan fanellat, por francezit si duket nuk i bënte përshtypje fanella kuq e zi.
Por ajo që ndodhi në fund të ndeshjes ishte një injorim total i francezit. Ai u ndalua nga një gazetar shqiptar, i cili po i kërkonte fanellën dhe Evra ia ktheu: “Nuk e kam, e kam ndërruar me një lojtar të Shqipërisë”.
Më pas futbollisti francez, i cili e kishte në një qese fanellën e Roshit, e nxori dhe tha: “Ja me këtë, urdhëro dhe merre sepse nuk më duhet asgjë”.
Ky injorim i Evras erdhi pas poshtërimit që i bëri Roshi në fushë duke depërtuar në krahun e majtë të francezëve sikur mos të ekzistonte asnjë lojtar në atë pozitë.
