Në Bruksel duket se nervat janë shumë të tendosura, pasi britanikët i thanë “Po” daljes ngë Bashkimi Europian. Europarlamentari i gjelbër, belgu Philipe Lamberts, ishte shumë i ashpër në BBC, për rezultatin e referendumit britanik.
“Nuk ndjej asnjë keqardhje për kryeministrin Kameron”, i tha ai BBC. “Këtë çorbë e gatoi vetë, e futi vendin në referendum për shkak të problemeve që kishte në parti dhe tani po paguan pasojat”. Lamberts tha se Kameron tani s’mund të fshihet, por duhet të kërkojë nisjen urgjente të aplikimit të nenit 50 të Traktatit të Lisbonës, i cili parasheh procedurat e daljes së një vendi anëtar nga Unioni. Ai tha se duke e vonuar këtë kërkesë, Kameron poluan sërish politikën e brendshme të vendit të tij. Sipas tij, liderët e BE duhet t’i kërkojnë Kameronit që të paraqesë sa më shpejt kërkesën për largim nga Bashkimi Europian.
