Samiti i fundit i BE-së për këtë vit nuk solli ndonjë progres. Dhe kryeministri britanik me kërkesat e tij të posaçme ka hapur një problem të ri.
“Krizat që ne kemi do të mbeten dhe do të vijnë të tjera”, thotë presidenti i Komisionit Evropian duke pasur parasysh vitin e ri. Jean-Claude Juncker është timonier i vjetër në politikën evropiane. Ai nuk e ka të nevojshme t’i bëjë iluzione vetes dhe të tjerëve.
Heronjtë janë të lodhur
Ky ishte i dymbëdhjeti samit në këtë vit, kështu që shumë energji kryetarët e qeverive nuk lanë në të. Me sa duket ata e kanë patjetër të nevojshme një periudhë pauze me njëri-tjetrin.
Duhet të jetë e lodhshme dhe demoralizuese të dëgjosh gjithmonë të njëjtat argumente dhe të përjetosh se si makineria nuk lëviz aspak përpara.
Makineria e BE-së është e mbingarkuar
Dhe kështu vendimet duken edhe si një dëftesë e keqe, që evropianët i japin vetes: Të paktën të mund të zbatonim ato, që kemi miratuar tashmë e që janë të qarta, e zeza mbi të bardhën!
Sikur BE-ja të zbatonte ato që ka miratuar për krizën refugjatëve, në lidhje me rishpërndarjen, regjistrimin dhe mbrojtjen e kufijve, do të kishte një arsye më shumë për shpresë për vitin e ardhshëm. Pra, ne duhet të bazohemi në atë që kancelarja e quan “treguesin eksponencial” i aftësisë së evropianëve për të mësuar. Në rastet emergjente Angela Merkel i kthehet të kaluarës së saj si fizikane. Sulmet terroriste, forcimi shqetësues i grupimit terrorist IS, drama në Siri, mosmarrëveshjet mbi krizën e borxheve greke, më shumë se një milion refugjatë në Evropë, marrëdhëniet e helmuara me Rusinë – këto probleme kanë ndikuar këtë vit në BE.
Dhe shumë vende kanë reaguar duke u tërhequr në sinorët e tyre kombëtarë. Hungaria është një prej tyre, por edhe Polonia dhe Danimarka. Atje drejtuesit mbyllin sytë fort, duke shpresuar që kriza globale të kalojë sa më parë, ndërsa ata tundin flamujt e tyre kombëtarë.
Ata kanë domosdoshmërisht nevojë të rriten, transmeton “Zëri”.
Por këta kryeministra pengojnë makinerinë e Bashkimit Evropian, që funksionon mbi konsensusin e vendimmarrjeve. Aparati, i cili kontrolloi krizën e euros dhe të gjitha krizat e tjera të mëparshme ngadalë por i sigurt, tani praktikisht ka ngelur në vend.
E vetmja zgjidhje është, ashtu siç e bën Angela Merkel dhe aleatët e saj në çështjen e refugjatëve: të krijojnë koalicione për tema specifike dhe të avancohet në grupe më të vogla. Sepse BE-ja si tërësi nuk i ka aftësitë e nevojshme: shpejtësinë dhe fleksibilitetin. Lidhur me trupat e përbashkëta kufitare nuk do të vendoset para verës së ardhshme – atëherë sezoni i ardhshëm i refugjatëve do të jetë në kulmin e tij!
