Carlo Ancelotti ka komentuar me humor për pengesën e vetme që mund të gjejë si trajneri i Bayernit, gjuhën gjermane. “Nëse ia doli ta mësonte Trapattoni, mund t’ia dal edhe unë”, thotë me shaka trajneri i ardhshëm.
Megjithatë, nuk do të jetë një problem shumë i madh, sepse te Bayern flasin të gjithë anglisht, madje shumë mirë.
Ancelotti, i cili bëhet trajneri i dytë italian i Bayernit, 18 vjet pas legjendarit Trapattoni, mund të vendosë rekord si trajneri i parë që fiton titullin në pesë kampionatet kryesorë të Europës: Itali, Angli, Francë, Spanjë e Gjermani.
