Kampionati Europian i Futbollit që do të nisë sot në Francë është më i madhi, pasi janë shtuar tetë skuadra, që do të thotë më shumë mundësi për milionë euro që do të fitohen ose humbin në ndeshjet që do të zhvillohet.
Industria e basteve rezervimit (booking) pritet të grumbullojë të ardhura në rreth 727 mln dollarë, sipas të dhënave të agjencive britanike.
Franca hyn në këtë kampionat si favorite kryesore nga kompanitë e basteve, duke u ndjekur nga Gjermania dhe Spanja.
Edhe kompanitë shqiptare të basteve kanë pritshmëri të larta sa i përket kuotimeve.
Klajdi Malo, drejtues i Eurolloto, thotë për Monitor se pritet të ketë mjaft interes, aq më tepër që paralelisht ka nisur edhe një tjetër event i madh i futbollit që është Kupa e Amerikës Latine.
Fitimi i kupës së Europës në futboll nga Shqipëria ka një koeficient të lartë (501), me renditjen në vendin e fundit, por drejtuesit e kompanive të basteve thonë se çuditërisht ka nga ata që e kuotojnë edhe pse në shuma të vogla.
Ndërsa në ndeshjet në grupin A (Zvicër, Francë dhe Rumani), sipas koeficientëve, Shqipëria ka më shumë shanse të fitojë me Rumaninë.
Koeficientët për ndeshjen me Zvicrën janë : 1) 4.6 x) 3.2 dhe 2) 1.8; me Francën janë : 1) 1.16 x) 3.5 dhe 2) 15.0; ndërsa ajo Rumani – Shqipëri ka koeficientë: 1) 2.00 X) 3.2) 2) 4.00.
Sa i përket basteve online, duhet thënë se nga bankat në Shqipëri nuk ofrohet mundësia që të bëhen pagesa përmes rrjetit të tyre në vend, ndaj dhe ky është një fluks i munguar, si dhe një shërbim që kompanitë e basteve e mendojnë se ka ardhur koha që të ofrohet.