Duke kënduar mes emrave më të njohur të muzikës italiane, kantautori shqiptari me këngën Vietato Morire arriti të kualifikohet për në natën finale duke mrekulluar publikun Italian dhe jurinë. Ai u klasifikua mes 11 emrave të mëdhenj të muzikës italiane si Al Bano dhe Fiorela Manoja, ndërsa la pas në rrezik eliminimi Xhuzi Ferrerin dhe Ronin.
Artisti shqiptar, u prezantua në këtë edicion me një këngë e cila është pritur mjaft mirë nga kritika. 35-vjeçari tregon historinë e një djali që ka parë të ëmën të keqtrajtohej në familje dhe që sërish beson te dashuria si e vetmja rrugë për të rritur fëmijët.
Kantautori Ermal Meta ka marrë pjesë edhe vitin e kaluar në garën e të rinjve me këngën Odio le favole, por emri i tij është i njohur në muzikën italiane, pasi ka shkruar tekste për shumë artistë të mëdhenj të muzikës italiane.
Edicioni i 67 i festivalit i është besuar drejtimit të 2 emrave të njohur të skenës italiane dhe ajo që shkëlqeu është Maria de Filipi e cila drejton për herë të parë Sanremo dhe e treta herë për Carlo Conti.
Nata e parë nisi me emocione nën zërin e këngëtarit të njohur Tiziano Ferro i cili u ngjit në skenën e Ariston me këngën ‘ Mi sono inamorato di te” një homazh kushtuar artistit Luigi Tenco.
Mes emrave të njohur ndërkombëtarë të cilët janë të ftuar në 3 netët e këngës italiane janë edhe këngëtarët Ricky Martin, Mika, Robie Willimas e në fund artisti Italian Zucchero.
Në çdo natë të ftuar të veçantë nga të gjitha fushat e artit. Këtë të shtunë në 11 shkurt do të jetë edhe dita e madhe kur do të shpallet edhe fituesi i këtij edicioni.
