Në emisionin “Të Paekspozuarit” në MCN TV po diskutohet për pezullimin e ndihmave amerikane për vendet e tjera të botës, përfshirë edhe Shqipërinë. Analisti Preç Zogaj deklaroi se ky është një pezullim 90 ditor dhe pastaj fondet do të lirohen, pasi të shqyrtohen projektet.
“Kjo u fik dritën për 700 miliardë dollarë që SHBA jep për vende të ndryshme, për qeveritë, OJF-të etj. Mendoj se ky vendim është motivuar nga stili i presidentit Trump që i shkon për shtat, për premtimet populiste që u ka dhënë prej një viti taksapaguesve amerikanë që paratë tuaja shkojnë aty e atje. Është pezullim për 90 ditë dhe përtej tij, DASH ka bërë të qartë që kur të shqyrtohen projektet, nëse janë në interes të Amerikës, do të lirohen automatikisht.
Do të isha irracional po të mendoja se së bashkë me Ukrainën, Egjiptin dhe Izraelin do të vihej në një shkallë SPAK-u ynë. Kjo nuk thotë asgjë. Është pjesë e një proklamate universale që do të zgjasë 90 ditë”- tha Zogaj.
