Ernest Muçi nga sot nuk do të jetë më pjesë e ekipit të Tiranës. Klubi ka njoftuar se lojtari ka arritur marrëveshjen me ekipin polak, Legia Warsaw.
Më tej në njoftimin për largimin e Muçit, bëhet me dije se klubi polak pikasi sulmuesin bardheblu dhe menjëherë zyrtarizoi një ofertë për ta patur atë pjesë të tij. Legia është klubi më i suksesshëm i futbollit polak në histori dhe 19 herë kampione vendi.
Talenti bardheblu luajti ditën e djeshme ndeshjen e tij të fundit me fanellën bardheblu. Nga sot lojtari i KF Tirana është i lirë pas marrëveshjes së firmosur mes palëve.
Ernest Muçi prej kohësh ishte një ndër lojtarët më të kërkuar, ku ishte pikasur nga shumë klube të huja si një talent shumë premtues.
/a.r
