Erion Veliaj në një lidhje drejtpërdrejt me Klan News ka folur edhe për festivalin “Dixhital Nomad”, i cili u zhvillua disa ditë më pare ku mblodhi bashkë ekspertë digjitalë nga vende të ndryshme të botës, të cilët ndanë përvojat e tyre me profesionistë, sipërmarrës dhe novatorë të rinj, që aktualisht eksplorojnë botën e teknologjisë dhe punës në distancë.
Ai shprehet se ne jemi kryeqyteti më i ri në Europë dhe shprehet mjaft optimist për punën e së ardhmes e cila do jetë dixhitale. Nga puna në Call Center do kalojmë në Data Center dhe nga qepja e këpucëve do kalojmë në qepje Software të cilat paguajnë mjaft mirë.
“Ne nuk jemi vetëm kryeqyteti evropian i rinisë, ne jemi dhe kryeqyteti më i ri në Europë. Kjo dot ë thotë që sasia e talentit këtu, sidomos që tani kemi filluar kodimin që në klasat e para sidomos që piramida po ecën me qendrën Tumo dhe ne do kalojmë nga 1000 kodues në 5000 kodues në muaj tek këto qendra. Besoj se do krijojmë realisht atë brumin e mirë për të gatuar këtë bukën dixhitale, pra punët e të ardhmes. Ne të dy jemi brezi i të rinjve që u rritën nga nëna që u rritën në fasoneri, pastaj me shokët tanë që punonim në Call Center. Ne nuk mund të bëjmë as këmishë, as këpucë. Janë punë që paguajnë shumë pak dhe do dalë dikush në Nepal apo Bangladesh që do i bëjë më lirë.
Do dalë dikush në Indi apo Kinë që do mësojë italisht më mirë se ne sepse është treg shumë i madh. Që kështu ne duhet të mendojmë tani që në këtë moment punët e të ardhmes. Besoj që punët e të ardhmes janë dixhitale. Do kalojmë nga Call Center në Data Center dhe do kalojmë nga qepja e këpucëve në qepjen e Software të cilat paguajnë mirë, paguajnë në distancë, nuk ke nevojë të marrësh gomone të rrezikosh jetën, as të bësh spaçator droge në rrugët e Londrës, por ta bësh këtë nga shtëpia jote, të jetosh si njeri, të jetosh me respekt dhe të kesh një karrierë të gjatë e të suksesshme”, është shprehur Erion Veliaj.
/a.r
