Ergys Kaçe ka përfunduar në mënyrë të papritur në tribunë në ndeshjen e djeshme përballë Spanjës.
Në disa media është raportuar se ai ka pasur përplasje me trajnerin De Biazi.
Por, cila është e vërteta?
Ja çfarë thotë Kaçe për Panorama Sport:
Ergys, si tifoz në ndeshjen me Spanjën?
Po!
Pse është marrë ky vendim?
Nuk e di. E di vetëm trajneri.
A keni biseduar me të, çfarë ju ka thënë?
Se unë duhet të qëndroja jashtë ekipit për zgjedhje taktike.
Ju keni treguar formë të mirë së fundmi me Plzenin, duke luajtur edhe në Europa Ligë. Pse ndodh kjo gjë në Kombëtare?
Nuk e di fare pse po ndodh diçka e tillë. Nuk e kuptoj trajnerin për këtë që bën. S’e di pse bëhet diçka e tillë.
A është e vërtetë një zgjedhje taktike një vendim i tillë, apo ka diçka që ka ndodhur në stërvitje?
Nuk di se çfarë fshihet. Nga ana ime nuk ka ndodhur asgjë. Në stërvitje kam dhënë gjithmonë 100% tim dhe jam përpjekur në çdo seancë të tregoj vlerat e mia. Vetëm kaq./a.k
