Rriten tensionet mes Turqisë dhe Izraelit. Ministri i Jashtëm në Ankara, Hakan Fidan, ka deklaruar se Tel Avivi mund të përpiqet ta përcaktojë Turqinë si një kundërshtar të ri pas Iranit.
“Izraeli mund të kërkojë ta shpallë Turqinë si një armik të ri, pasi nuk mund të mbijetojë pa një kundërshtar,” tha ai në një intervistë për agjencinë shtetërore Anadolu.
Fidan shtoi gjithashtu se, pavarësisht mungesës së një marrëveshjeje në bisedimet e së shtunës të ndërmjetësuara nga Pakistani, si Irani ashtu edhe SHBA mbeten “të sinqertë” për arritjen e një armëpushimi.
“Po mendoj se nëse çështja bërthamore shkon drejt një situate ‘gjithçka ose asgjë’, veçanërisht në lidhje me pasurimin, mund të përballemi me pengesa serioze,” u shpreh ai.
Kjo vjen pas një raportimi kontrovers që më pas u fshi nga media serioze si gazeta britanike Telegraf, se Presidenti turk, Rexhep Taip Erdogan, kërcënoi Izraelin me pushtim ushtarak.
