Anri Kashiku humbi jetën një ditë më parë në Durrës, pasi tentoi të shpëtojë nga mbytja vëllain e tij të vogël dhe shokun e tij. 19-vjeçari u fut në det bashkë me rojen bregdetare, Igli Shahinaj për të shpëtuar dy të miturit.
Shahinaj rrëfen se arritën të nxirrnin dy të vegjlit, por 19-vjeçari në atë moment u zhduk dhe nuk mundi ta shihte më, pasi dallgët e kishin tërhequr.
Koha ishte e keqe dhe deti kishte dallgë por të miturit nuk e dëgjuan thirrjen e rojës bregdetare Igli Shahinaj, i cili për Report Tv thotë se ishte vendosur flamuri i kuq që tregon se ndalohet futja në det.
“U thash dy të miturve të dilnin nga deti se kishte dallgë, por nuk më dëgjuan U futa në ujë për të nxjerrë të miturit, erdhi dhe 18-vjeçari për të më ndihmuar. Nxora të miturit nga uji, nuk reagonin, ambulanca normalizoi gjendjen. Kur u ktheva gjeta vetëm kapelen e 18-vjeçarit, policia nisi kërkimet, trupin e nxori uji”, tha Shahinaj.
Trupi i pajetë i Anri Kashikut përcillet sot për në banesën e fundit në fshatin Shënvlash të Durrësit. Ai humbi jetën mesditën e djeshme në një akt heroik.
g.kosovari
