Kryeministri Edi Rama ka njoftuar në rrjetet sociale se ka vizituar ish-vilën e Enver Hoxhës, e cila një ditë më parë u sulmua me molotovë nga protestuesit e Partisë Demokratike.
Në postimin e tij në X, Rama thekson se i ka gjetur artistët të traumatizuar nga sulmi, të cilin e cilësoi si akt barbarie. Kreu i qeverisë dënoi sulmin dhe kritikoi gjyqtarët që, sipas tij, lirojnë autorët e zjarrvënieve, duke i konsideruar bashkëpërgjegjës për vandalizmat.
Postimi kryeministri Edi Rama në platformën X:
Sapo dola nga rezidenca e artistëve në ish-shtëpinë e diktatorit, ku prej kohësh tanimë fondacioni prestigjioz Art Explora mikpret të rinj të talentuar nga Shqipëria, Kosova e mbarë bota, të cilët i gjeta të traumatizuar nga çmenduria e barbarisë së mbrëmshme.
Një sulm i verbër i një grushti të verbërish të paguar për të frikësuar qytetin dhe njollosur Shqipërinë, nën udhëheqjen e një ligësire kriminale tetëdhjetë e kusur vjeçare, që mban nga pas ca hunj gardhi me status deputeti, e që vjen vërdallë si i marri i lagjes nëpër Tiranë, ndërkohë që s’ia var më thuajse askush!
Gjykatësit që i lirojnë këta zjarrvënës të rrezikshëm, sa herë arrestohen nga policia janë bashkëpërgjegjës për këto vandalizma të pandodhura askund në Europë me bekimin e nën hyqmin e një partie parlamentare, në selinë e të cilës nuk flitet për ide e programe, po bëhen vetëm plane dhune dhe bomba artizanale!
Turp për çdo gjykatës që rinxjerr në rrugë këta keqbërës të Shqipërisë dhe turp për qeverisjen e gjyqësorit që rri e vështron sikur Shqipëria nuk është edhe atdheu i saj!
Flaka, zjarri e shkaterrimi jane fiks rezultati i reformes tende ne drejtesi. Prokuroret e gjyqtaret perjetojne orgazem nga molotovet! Banditet e kriminelet politik nuk ka kush t’i gjykoje. Mjere ky vend qe nuk ka zot! Po behemi perseri gazi botes.
Vetem nje ILD e firte e mbeshtetyr nga parlanenti mund te rioaroj mos vepriin e drejtesise ndaj shkelesve te ligjit