Detaje tronditëse kanë dalë nga hetimet për vrasjen e Lumturie Patushit, ku dëshmitar i skenës së krimit ka qenë nipi i saj 14-vjeçar, i cili ndodhej në apartament bashkë me vëllain 8-vjeçar.
Para hetuesve, i minori ka rrëfyer se 68-vjeçari Hysni Patushi ka mbërritur në banesën e vajzës ku bashkëshortja kujdesej për fëmijët, ka nisur një debat me të dhe e ka goditur menjëherë me thikë në zemër. Pas krimit, autori është larguar, ndërsa matches 14-vjeçari ai që ka njoftuar policinë.
Nga hetimet e kryera rezulton se autori është arrestuar pak orë më vonë në banesën e një kushëriri në Kamzë, ndërsa thika e përdorur në krim u gjet e hedhur rreth 200 metra larg pallatit.
Në dëshminë e tij, 68-vjeçari ka pretenduar se konflikti kishte nisur sepse e shoqja kalonte më shumë kohë te shtëpia e vajzës sesa në banesën e tyre në Don Bosko.
Hysni Patushi, i cili edhe në vitin 2017 ishte arrestuar për dhunë në familje ndaj të njëjtës viktimë, pritet të dalë para gjykatës me akuzën “vrasje për shkak të marrëdhënieve familjare”.
