Situata me zjarret në vend duket se nuk ka përmirësim.
Dy vatra zjarri janë shënuar në dy qytete të ndryshme, ditën e sotme.
Një zjarr ka rënë në kufirin Kosovë-Shqipëri. Zjarri ka nisur në zonën e Kosovës, por flakët për shkak të erës kanë kaluar në fshatin Pogaj të Hasit, ku po digjet Pylli i Dushkut.
Ende nuk dihen shkaqet e zjarrit, por po punohet për shuarjen e tij.
Ndërkohë zjarr ka rënë dhe në Krastë afër Elbasanit. Zjarri është i përmasave të mëdha dhe ka djegur pishat e zonës.
Në vendngjarje kanë mbërritur zjarrëfikset dhe po punojnë për shuarjen e zjarrit. /b.d
