Era Istrefi ka pranuar lidhjen me menaxherin e saj Faton Shoshi gjatë një interviste live në një radio franceze. Lidhja midis tyre ishte bërë e ditur pak ditë më parë nga “Bluetooth”.
Këngëtarja shqiptare ka qenë e ftuar në radion franceze “Cauet sur NRJ”, ku edhe ka performuar ‘live’ për fansat e kësaj radioje. “A ke të dashur?” ishte pyetja e prezantuesit francez Sébastien Cauet, së cilës Era iu përgjigj shkurt, “Po, jam në një lidhje dhe jam shumë e lumtur”. Gazetari i njohur francez Sébastien Jean Maurice Cauet nuk është mjaftuar vetëm me pyetjet ndaj këngëtares.
Gjatë emisionit ai ka provuar të flasë edhe në gjuhën shqipe, duke i thënë Erës “Të dua”. Ai i ka propozuar martesë, duke i dhuruar një unazë, ndërsa në shqip i ka thënë “A do të martohesh me mua?”. Sigurisht që Era i ka thënë “Jo”.
BW/d.i.
