Enver Hoxhaj është rikthyer në postin e ministrit të Punëve të Jashtme të Kosovës.
Në një konferencë për media, kryetari në pritje i PDK-së, Kadri Veseli ka thënë se Hoxhaj do ta zëvendësojë Hashim Thaçin në postin e ministrit të Jashtëm.
Duke folur për rekomandimin e vizave për Kosovën, Veseli ka thënë se partia e tij ishte “lokomotivë” e këtij procesi.
“Nga selia e PDK-së falënderoj qytetarët për durimin. PDK-ja ishte lokomotivë e këtij procesi. Falënderoj ish kryeministrin, ministrat e integrimeve, të jashtëm.
Rrëzimi i murit të fundit në Evropë. Bartës i proceseve të jashtme të Kosovës do të jetë Enver Hoxhaj”, ka thënë Veseli.
Enver Hoxhaj gjatë konferencës ka thënë se është ditë e veçantë rikthimi i Kosovës në Evropë pas 25 vjetësh.
“Përgëzoj të gjitha qeveritë punë brilante në përmbushjen e kritereve. Kosoa ka pasur 101 kritere dhe është e arritur e madhe.
Kosova e vogël që t’i përmbush kërkesat e ambiciet por lëvizja e lirë mundëson që qytetarët t’i përmbysin interesat thelbësore për ta. Jemi të interesuar të zhvillohemi si vend”, ka thënë Hoxhaj. (B.an)
