“Prej 7 vitesh jam në kombëtaren malazeze dhe secilën ditë mendoj që një ditë të jem për kombëtaren shqiptare. E kam ëndërr që të bëhem shqiptari i parë nga Mali i Zi, në kombëtaren Shqiptare”, kështu deklaroi futbollisti Romario Camaj.
“Këtë vit kemi një sukses të madh ku kemi një rekord prej 8 fitoreve radhazi dhe asnjë humbje. Me shumë se gjysma e ekipit jemi shqiptare dhe ky është një hap i mire për suksesin. Jemi të gjithë të gëzuar dhe shpresoj të vazhdojmë më këtë ritëm”, tha Camaj.
“Nuk është e lehte të jesh pakicë në një shtet që ka paragjykime të tilla. Ne përveç kundërshtarëve që kemi në fushë, ne luftojmë edhe me paragjykime të tifozëve dhe të strukturave shtetërore. Mire po në dy vitet e fundit kemi luftuar për t’i minimizuar”, deklaroi Pal Dreshaj, president i Deçiç.
Falë edhe ndihmës së emigrantëve dhe presidencës, klubi u rikthye 4 vite më parë në Superligën e futbollit malazez dhe tani kërkon titullin kampion.
“Pas një rrugëtimi thuajse 100-vjeçar të klubit më në fund jemi afër titullit. Për këtë duhet pune nuk duhet të relaksohemi”, u shpreh ai.
Në pjesën e dyte të sezonit, Deçiç. do ti luajë ndeshjet përpara tifozerisë shqiptare pasi stadium i ri është drejt përfundimit të punimeve.
/f.s
