Një ngjarje e rëndë është raportuar paraditen e sotme (29 gusht) në zonën e “Markatës” në Elbasan, ku një person i moshuar është gjetur i pajetë dhe i gjakosur në rrugë.
Ngjarja është raportuar rreth orës 10:00, kur është njoftuar se një i moshuar ndodhej i shtrirë në tokë.
Sipas të dhënave paraprake, dyshohet se i moshuari ka qenë duke lëvizur me biçikletë kur, për shkaqe që ende nuk janë të qarta, ka humbur ekuilibrin dhe është rrëzuar në tokë.
Sipas të dhënave paraprake, dyshohet se i moshuari, Abdulla Disha 75 vjeç ka qenë duke lëvizur me biçikletë kur, për shkaqe që ende nuk janë të qarta, ka humbur ekuilibrin dhe është rrëzuar në tokë.
Një nga pistat paraprake është që rrëzimi të jetë shkaktuar nga një problem shëndetësor i papritur, ndërsa nuk përjashtohet edhe mundësia e një luhatjeje të tensionit apo e një infarkti, që mund t’i ketë shkaktuar humbjen e kontrollit mbi biçikletën.
Në vendngjarje kanë mbërritur shërbimet përkatëse, ndërsa kanë nisur verifikimet për të zbardhur rrethanat e plota të ngjarjes.
