Një 37 vjeçare nga Elbasani ka ndërruar jetë në orët e para të mëngjesit të sotëm, pasi është qëlluar me thikë nga bashkëjetuesi i saj. Ngjarja e rëndë ka ndodhur në lagjen “Skënderbej” të qytetit dhe ka ndërruar jetë Jetlira Elezi.
Autori, bashkëjetuesi i Jetlirës, është larguar nga shtëpia menjëherë pasi ka qëlluar me thikë 37 vjeçaren. Shërbimet e Policisë janë vënë në ndjekje të autorit, po një 37 vjeçar me inicialet R.M, dhe po krehin zonën për kapjen e tij.
Grupi hetimor nën drejtimin e Prokurorisë po punon për zbardhjen dhe sqarimin e rrethanave të ngjarjes, por paraprakisht dyshohet se ka qenë një debat i momentit për shkaqe që ka agravuar deri në përdorimin e thikës nga ana e autorit.
Njoftimi i policisë
Në orët e para të mëngjesit, në lagjen “Skenderbej”, Elbasan dyshohet se shtetasi E.M., 37 vjeç , ka goditur me mjet prerës ( thikë), bashkëjetuesen e tij shtetasen J.E., 37 vjeçe. Si pasojë e plagëve të marra ka humbur jetën.
Shërbimet e Policisë janë vënë në ndjekje të autorit dhe vijon krehja e zonës për kapjen e tij.
Grupi hetimor nën drejtimin e Prokurorisë po punon për zbardhjen dhe sqarimin e rrethanave të ngjarjes.
g.kosovari
