34-vjeçari shqiptar Renis Fajzolli ka mbetur i plagosur gjatë një sulmi të armatosur që ka ndodhur pak para orës 04:00 të mëngjesit në një park në rrugën Sidirokastro në zonën e Botanikos në Greqi.
Pas të shtënave, shqiptari ka mbërritur me makinën e tij në cep të rrugës ‘Iera Odos’ dhe ‘Spyrou Patsi’, ku ka kërkuar ndihmë nga policët që po patrullonin me makinë.
Mediat greke shkruajnë se i riu shqiptar është dërguar në spitalin Giorgos Gennimatas ku po trajtohet për dëmtime në bark. Autorët kanë qenë duke hipur në një mjet me të cilin i janë afruar 34-vjeçarit para se ta qëllonin tre herë.
Në vendin ku ndodhi krimi janë gjetur tre gëzhoja të kalibrit 9 mm. Ndërkohë, shqiptari rezulton me precedent penal, pasi në vitin 2019 është arrestuar për një çështje droge, por provat e deritanishme nuk tregojnë për përfshirjen e tij në ndonjë rast tjetër të rëndë.
/a.r
