Një ditë pasi u asgjësuan 583 fidanë kanabisi në fshatin Mnelë e Vogël në Vuan e Dejës, një tjetër rast i kultivimit të kanabisit është gositur sot. Policia ka vijuar kontrollet dhe në ka gjetur një tjetër zona ku ishin kultivuar 73 fidanë narkotikë.
Policia ka bërë të mundur identifikimin e tre autorëve që kishin kultivuar lëndën narkotike, ndërsa në pranga është vënë vetëm një prej tyre. Në pranga ka rënë Marin Vathaj, 52 vjeç, dhe në kërkim u shpall Ndue Vathaj, 60 vjeç. Bashkëpunëtori tjetër është identifikuar, por nuk bëhen me dije identiteti i tyre.
Fidanët narkotikë u asgjësuan nëpërmjet djegies, ndërsa një pjesë e vogël e tyre u sekuestrua në cilësinë e provës materiale. Operacioni policor antidrogë i koduar “Mnela”, vijon për kapjen e shtetasve të shpallur në kërkim, si dhe për përcaktimin e plotë të autorësisë së kultivimit të fidanëve narkotikë, në fshatin Mnelë e Vogël.
Një ditë më parë u asgjësuan 583 fidanë kanabisi në fshatin Mnelë e Vogël, ndërsa kryeplaku Prend Gjedoçaj është vënën nën hetim për shpërdorim detyre. Në kërkim është shpallur autori Ndue Gjeçaj, nën akuzën për kultivim të lëndëve narkotike.
/f.stafa
