Policia e Tiranës ka bastisur një lokal në Kashar ku ka zbuluar kokainë dhe një armë zjarri.
Në kuadër të operacionit ‘Drug Bar’, policia ka vënë në pranga Ardit Hajdarin 36-vjeç, Enri Dema 27-vjeç, dhe Çlirim Hyka, 52 vjeç, e Redis Hyka 21 vjeç të gjithë banues në Tiranën.
Gjatë kontrollit blutë e Tiranës, ka gjetur dhe sekuestruar 1 armë zjarri pistoletë, 150 doza kokaine, 60 doza kanabisi me THC të lartë, 1 peshore elektronike, 5 maska, 4 shkopinj bejsbolli, celularë dhe shuma parash të dyshuara të përfituara nga veprimtaritë e paligjshme.
Sipas policisë te arrestuarit në bashkëpunim me njëri-tjetrin, shisnin lëndë narkotike në lokalin e Ardit Hajdarit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
/f.s
