Policia e Durrësit ka prangosur sot dy personat, e akuzuar se kryenin transportin e punëtorëve të punishtes së kanabisit, zbuluar dy ditë më parë, vetëm 3 km larg pistës ku ra avionin i italianit në Ishëm.
‘Në vijim të njoftimit të datës 22.09. 2016, ku në fshatin Rrotull, Ishëm u konstatua një banesë, e cila ishte përshtatur për pastrimin, tharjen dhe magazinimin e lëndëve narkotike dhe u sekuestruan 300 kg Cannabis Sattiva, Specialistët e Seksionit për Hetimin e Narkotikëve në bashkëpunim me Prokurorinë e Rrethit Gjyqësor Durrës, në vijim të hetimeve kanë ndaluar shtetasit Julian Dama 27 vjeç, banues në Shkafane dhe Altin Lleshi 32 vjeç, banues në Hamallaj”- njofton policia.
Sipas saj, shtetasit e mësipërm, me mjetin tip furgon me targa AA 039 BK, në pronësi të shtetasit Julian Dama dhe automjetin tip Peugeot me targa AA 892 LP, në pronësi të shtetasit Altin Lleshi, kryenin funksionin e transportuesve të punëtorëve. Vijon puna për dokumentimin e plotë të ngjarjes.
