Dy shqiptarë janë arrestuar nga policia italiane në Venezia, pasi kanë plagosur me armë zjarri një 25 vjeçar me origjinë shqiptare në tentativë për ta vrarë.Policia italiane ka arrestuar këtë fundjavë në Venezia dy shqiptarë, pasi plagosën me armë zjarri në tenativë për ta vrarë një 25 vjeçar shqiptar.
Sipas mediave italiane, mësohet se dy të arrestuarit e kanë qëlluar të riun shqiptar me një plumb në bark dhe duke menduar se ai ka vdekur e kanë futur në një makinë Jaguar dhe më pas e kanë hedhur në lumë. Bëhet fjalë për Lefter Disha, 46 vjeç dhe Armiol Gjoka, 32 vjeç, të cilët kanë përfunduar në pranga të akuzuar për vrasjen në tentativë të bashkëkombësit të tyre me iniciale D.E.
Gjithashtu mediat bëjnë të ditur se kriminelët ishin të bindur se 25-vjeçari vdiq si pasojë e goditjes së drejtuar në bark, kështu që ata e hoqën trupin e tij duke e hedhur atë në lumë. Ndërsa mësohet se i riu arriti të shpëtojë veten, duke dalë në breg e kërkuar ndihmë. Nga veprimet hetimore pas ngjarjes mësohet se dy shqiptarët akuzonin bashkëkombësin për vjedhjen e kokainës së tyre, por 25-vjeçari ka mohuar të jetë përgjegjës për zhdukjen e saj. Dyshohet se kjo ka qenë arsyeja pse dy shqiptarët vendosën për të hequr qafe të riun, përgjithmonë. 25-vjeçari ndodhte aktualisht në spitalin e San Dona, duke marrë ndihmën e nevojshme mjekësore./a.meta
