Një nga dëshirat më të mëdha të çifteve të reja në kryeqytet është që ceremoninë e kurorëzimit të martesës së tyre ta bëjnë në Bashkinë e Tiranës. Por celebrimi i fundit për vitin që sapo lamë pas ka qenë vërtet i veçantë edhe për vetë kryebashkiakun Erion Veliaj. Nusja simpatike ka qenë mbesa e ish-këshilltares më besnike të ish-kryeministrit Berisha, Zana Guxholli.
Madje, ish-bashkëpunëtorja e ngushtë e Berishës, Zana ka qenë e pranishme edhe në celebrimin në bashki duke dalë në foto me kryebashkiakun Veliaj, pavarësisht bindjeve të ndryshme politike. “Shumë urime nga Fiona Guxholli & Evaldi Balla – çifti i fundit qe u celebrua nga 2018-a! Qofshi gjithnjë të lumtur e pozitivë, si familja më e re e qytetit tonë”, shkruan Veliaj në twitter teksa ka uruar çiftin e porsamartuar. /a.meta
