Komisioni Qendror i Zgjedhjeve i dha sot mandatin e deputetit edhe gjashtë kandidatëve të tjerë nga listat e PD-së dhe LSI-së.
Vendet e lëna bosh pas djegies së mandateve nga PD e LSI, u plotësohen nga kandidatët e këtyre forcave politike, që pavarësisht vendimit politik, kanë vendosur të futen në Parlament.
Kështu, mandatin e ish-deputetit të PD-së, Astrit Veliaj, në Berat e merr Lefter Maliqi, i cili në zgjedhje bëri fushatë për PS-në.
Nga qarku i Lezhës Elda Hoti mori mandatin e lënë nga Viktor Tushaj të LSI-së.
Në Durrës mandatin e Nora Malaj e mori Edlira Hyseni.
Në Gjirokastër në vend të Vangjel Tavos të LSI e merr Ediola Braha.
Në Korçë Klevis Balliu zëvendësohet nga Ligoraq Karamelo.
Ndërsa mandatin e Gent Strazimirit në Tiranë merr Majlinda Halilaj.
Ndërkohë ditën e sotme edhe një kandidat nga radhët e PD për qarkun Kukës vendosi që të marrë mandatin e deputetit.
Alban Zeneli ka pranuar të marrë mandatin e deputetit të Partisë Demokratike në vend të Flamur Nokës, që hoqi dorë nga mandati.
