Shqipëria nuk po gjen qetësi pas vrasjeve qe tronditen Vlorën dhe Tiranën ditën e hënë.
Të shtënat me armë zjarri i morën jetën një personi mbrëmjen e kësaj të hëne ne Elbasan, ndërsa bashkëshorja e tij mbeti e plagosur. Ngjarja e rëndë ndodhi në lagjen “Skënderbej”.
Viktimë nga ky atentat ka mbetur Everes Çaka. Ai po udhëtonte me makinë së bashku me bashkëshorten e tij, Silvana Çaka kur persona të pa identifikuar hapën zjarr në drejtim të tyre. Kjo e fundit ka mbetur e plagosur.
Shkaqet e ngjarjes së rëndë nuk dihen ende, ashtu sikurse edhe autorët. Në vendin e ngjarjen ndodhen forca të shumta policore.
Kujtojmë se ditën e djeshme dy ngjarje të rënda tronditën vendin tonë, teksa një person u vra në Vlorë dhe një tjetër në Tiranë.
Në Vlorë, biznesmeni Bledar Bircaj u ekzekutua në automjetin e tij tip X5, ku po udhëtonte së bashku me një polic. Dy persona të maskuar i prenë rrugën dhe e qëlluan për vdekje teksa ecte. Pasagjeri nuk u lëndua.
Në mbrëmje, një tjetër ngjarje tronditi vendin. I riu Mehmet Qema mbeti i vrarë pasi shoku i tij Marjus Dema e qëlloi me një plumb në gjoks. Dema mësohet se ka deklaruar para policisë se ngjarja ka qenë aksidentale dhe se po luante me një armë që kishte gjetur Qema./ b.h
