Trajneri i skuadrës së Arsenal, Unai Emery, është i shqetësuar se drejtuesit nuk po bëjnë asnjë lëvizje në merkaton e janarit për të përforcuar ekipin. Sipas spanjollit, klubit i duhet të gjejë parà që të zhbllokojë merkaton, në të kundërt nuk do të ketë asnjë blerje. “Jemi kthyer në një ekip që presim të shesim ndonjë lojtar për të sjellë një tjetër”, tha Emery.
Trajneri spanjoll i referohet faktit se vetëm largimi i Mesut Ozil apo ndonjë futbollisti tjetër do të sillte ndryshime në skuadër dhe duket se Emery nuk ka luksin financiar që ka patur Wenger. “Unë shoh skuadrat e tjera që shpenzojnë shumë, si gjatë verës ashtu dhe gjatë janarit. Nëse duhet të rivalizojmë me ata duhet të afrojmë edhe ne lojtarë të rinj”, u shpreh Emery.
