Ditën e premte do të zhvillohet mbledhja e përbashkët mes qeverive të Shqipërisë dhe Kosovës. Kryeministri Edi Rama ka njoftuar se takimi do të zhvillohet në qytetin e Elbasanit.
Në rrjetet sociale, kreu i qeverisë ka publikuar edhe motivet që do të shoqërojë këtë mbledhje të qeverive.
Mes dy qeverive pritet të nënshkruhen disa marrëveshje të rëndësishme. Ditën e mërkurë, qeveria shqiptare miratoi dy vendime që pritet të kalojnë edhe në mbledhjen e përbashkët e që kanë të bëjnë me lejet e qëndrimit dhe njohjen e sigurimeve.
/a.r