Policia e Elbasanit ka vënë në pranga ditën e djeshme një 46-vjeçare. Arrestimi i Flutur Kaçaniku, është bërë pasi në ambientet e I.E.V.P Peqin, kur i ka dërguar ushqimet djalit të saj, E.K., i cili vuan dënimin për “Prodhim dhe shitje të narkotikëve”, gjatë kontrollit i është gjetur dhe sekuestruar në cilësinë e provës materiale lëndë narkotike e dyshuar me atë të llojit Cannabis Sativa.
Lidhur me këtë ngjarje, blutë e Elbasanit bëjnë me dije se materialet hetimore i kanë kaluar Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve” dhe “Futja ose mbajtja e sendeve të ndaluara në institucionin e ekzekutimit të vendimeve me burgim”.
ma.me
