Gjykata e Elbasanit ka lënë në burg gjashtë të arrestuarit si anëtarë të grupi të strukturuar kriminal. Masa e arrestit me burg është dhënë për Geraldo Yzeirllari, Kristi Maxhari, Kristian Petani, Edmond Abazi, Gazmor Kokla dhe Ergest Lipo.
Gjashtë të arrestuarit akuzohen se janë pjesë e një grupi të strukturuar kriminal. Gjatë operacionit “Porosia” dy ditë më parë u sekuestruan 82 kallëpe tritoli, një automjatik, një pushkë, 400 fishekë dhe rreth 1.5 kg lëndë narkotike kanabis. Grupi kriminal dyshohet i përfshirë në disa atentate me eksploziv jo vetëm në Elbasan por edhe në qytete të tjera.
Policia ra në gjurmët e grupit pasi përdori një agjent të infiltruar i cili u paraqit në rolin e blerësit të lëndëve eksplozive. Ai bëri katër porosi, të cilat iu vunë në dispozicion nga gjashtë anëtarët e grupit. Arrestimi i tyre u bë pikërisht në momentin kur do dorëzonin porosinë te blerësi i rremë.
6 të arrestuarit që u lanë në burg
Geraldo Yzeirllari
Kristi Maxhari
Kristian Petani
Edmond Abazi
Gazmor Kokla
Ergest Lipo
