ISIS ka vënë në shënjestër Robert O’Neill, i cili ishte drejtuesi i forcave speciale Navy Seals. O’Neill, që njihet edhe me pseudonimin “The shooter”, në 2011-n bashkë me grupin e tij, ezkekutuan Osama Bin Laden.
Për këtë arsye tashmë ISIS kërkon të hakmerret. Sipas Mirror, një ndjekës i ISIS ka publikuar adresën e O’Neill dhe ka bërë thirrje për vrasjen e tij. Thirrja e këtij simpatizanti është mbështetur edhe nga xhihadistë të tjerë të ISIS.
O’Neill është larguar nga forcat e armatosura amerikane në 2012-n dhe tashmë ka hapur një shoqatë në ndihmë të veteranëve të ushtrisë amerikane.
