Kastriot Reçi, viktimë e një atentati mafioz sot në Rrëshen është qëlluar me një plumb në zemër.
Konfirmimin e ka bërë Spitali i Rrëshenit pas kqyrjes në trupin e viktimës.
47-vjeçari Reçi është qëlluar me snajper nga tarraca e një pallati në momentin që sapo ka dalë nga lokali në pronësi të tij për të hipur në makinë.
Në tarracën e këtij pallati, po ashtu policia tha se ka gjetur një snajper i cili dyshohet se është arma me të cilën është kryer edhe krimi.
Pas vrasjes me snajper në qendër të Rrëshenit të ish-bashkëpronarit të televizionit “Media Plus” në Lezhë, Kastriot Reçi, ministri i Brendshëm Sandër Lleshaj ka mbërritur në Rrëshen.
Lleshaj ka zhvilluar një takim me drejtuesit e policisë së bashku me Drejtorin e Përgjithshëm Ardi Veliu.
g.kosovari
